Այծերը` ծառերի վրա
Մարոկոն միակ երկիրն է, որտեղ այծերը բարձրանում են ծառերի վրա: Դրա հիմնական պատճառը այդ տարածքում խոտի բացակայությունն է: Այծերը բարձրանում են արգանի կոչվող ծառերի վրա, ուտում նրա վրայի տերևները և պտուղները: Սակայն այս ամենի հետ մեկտեղ, նրանք պտղի կորիզները ներքև են գցում, որոնք հավաքում են հովիվները: Այդ կորիզներից պատրաստվում են արգանիի յուղ, որը լայնորեն օգտագործվում է կոսմետոլոգիայում:
Հայազգի ֆուտբոլիստը գոլ է խփել Մանչեսթեր Յունայթեդին
Վերջերս Հայաստանի ֆուտբոլի ազգային հավաքականը թիմ է հրավիրել հոլանդական <<Այաքս>> ֆուտբոլային ակումբի երիտասարդ հայազգի տաղանդավոր ֆուտբոլիստ Արազ Օզբիլիզին:
Եվ ահա, փետրվարի 23-ին ՈւԵՖԱ-ի գավաթի խաղարկության շրջանակներում <<Այաքսը>> հյուրընկալվել էր անգլիական հզորագույն թիմերից մեկին` <<Մանչեսթեր Յունայթեդին>>:
Թեև խաղը ավարտվեց <<Այաքսի>> հաղթանակով` 2:1 հաշվով, սակայն 2 խաղերի արդյունքում հաջորդ փուլի ուղեգիր ստացավ անգլիական թիմը:
Հայազգի ֆուտբոլիստը հոյակապ խաղ ցուցադրեց, խփելով մեկ գնդակ և կատարելով մեկ գոլային փոխանցում: Նա նաև ճանաչվեց այդ խաղի լավագույն ֆուտբոլիստ:
Խաղի լավագույն դրվագները դիտեք ստորև:
Подписаться на:
Сообщения (Atom)